Diqqat! Tojikiston va O‘zbekiston o‘rtasida aviaparvozlar tiklandi

O‘zbekiston va Tojikiston o‘rtasida muntazam aviaparvozlar tiklandi. Bu haqda Tojikiston Milliy axborot agentligi Hukumat huzuridagi Fuqaro aviatsiyasi agentligi direktori Ikrom Subxonzodaga tayanib xabar bermoqda. 

Qayd etilishicha, Respublika shtabining yangi COVID-19 infeksiyasi tarqalishining oldini olish bo‘yicha epidemiyaga qarshi choralarni kuchaytirish to‘g‘risidagi qaroriga binoan Tojikiston Respublikasi va O‘zbekiston Respublikasi o‘rtasida muntazam parvozlar tiklangan. 

Respublika shtab-kvartirasining qaroriga binoan Dushanbe va Toshkent o‘rtasidagi parvozlar haftada bir marta “O‘zbekiston havo yo‘llari” Milliy aviakompaniyasi va “Somon Air” MCHJ tomonidan amalga oshiriladi. 

Qarorga muvofiq, O‘zbekiston milliy aviakompaniyasi – “O‘zbekiston havo yo‘llari” haftaning chorshanba kuni, “Somon Air” MCHJ haftaning juma kuni parvozlarni amalga oshiradi. 

Tojikiston Respublikasi Hukumati huzuridagi Fuqaro aviatsiyasi agentligi direktori Ikrom Subxonzodaning ta’kidlashicha, COVID-19 tarqalishining oldini olish uchun barcha yo‘lovchilar sanitariya va epidemiyaga qarshi talablarga rioya qilishlari, tibbiy niqoblar va qo‘lqoplarni taqishlari kerak. 

Unutmang! Yo‘lovchilar samolyot bortiga COVID-19 (PSR) testi manfiy natijasi bilan olinadi.