Dembele va Mbappe o‘rtasida keskinlik yuzaga keldi

Fransiya terma jamoasi futbolchilari Kilian Mbappe va Usmon Dembele o‘rtasida so‘nggi bayonotlardan keyin keskinlik yuzaga keldi. Bu haqda “L’Équipe” nashri xabar berdi.

Bir necha kun avval Mbappe o‘zini Dembele bilan solishtirib, Usmonni barcha iqtidorli futbolchi deb bilishini, ammo uni “tanlangan futbolchi” deb hisoblashini aytgandi. Shundan so‘ng Dembele o‘z faoliyati davomida ko‘p mehnat qilganini va “tanlangan futbolchi” emasligini ta’kidladi.

“L’Équipe” nashri yozishicha, Dembele Mbappening ushbu so‘zlaridan norozi bo‘lgan. Manbaga ko‘ra, ikki futbolchi 15-16 yoshlaridan buyon do‘st bo‘lib keladi. Biroq Mbappening ayrim bayonotlari so‘nggi yillarda Dembeleni bir necha bor ranjitgan.

Shu bilan birga, ular o‘rtasida ommaviy axborot vositalari orqali boshqa bayonotlar almashinuvi bo‘lmasligi qayd etilgan.

Ma’lumot uchun, Kilian Mbappe va Usmon Dembele  Fransiya terma jamoasining asosiy tarkib futbolchilari hisoblanadi. Joriy yilgi Jahon chempionatida Kilian Mbappe 7 ta uchrashuvda 10 ta gol va 4 ta assist qayd etgan bo‘lsa, Usmon Dembele 7 ta bahsda 5 ta gol va 3 ta assistni o‘z hisobiga yozib qo‘ydi. Mbappe musobaqa to‘purariga aylandi.