De Bryuyne Belgiya terma jamoasi tarixidagi 10-eng yaxshi to‘purarga aylandi
Sport
−
09 iyun 2022
2377Belgiya terma jamoasi va “Manchester Siti” yarim himoyachisi Kevin de Bryuyne Belgiya terma jamoasi tarixidagi eng yaxshi to‘purarlar qatorida 10-o‘ringa ko‘tarilib oldi. Bu haqda “Championat” nashri xabar berdi.
Kecha, 8 iyun kuni Belgiya terma jamoasi Millatlar ligasining 2-turi doirasida o‘z maydonida Polsha terma jamoasini qabul qildi. Uchrashuv Bryusseldagi (Belgiya) “Rua Boduen” stadionida bo‘lib o‘tgan. Ushbu bahs maydon egalarining 6:1 hisobidagi o‘ta ishonchli g‘alabasi bilan yakunlandi.
Belgiya terma jamoasining gollaridan biri de Bryuyne hisobiga yozilgan. Bu gol uning uchun milliy jamoadagi 24-gol edi. Bu ko‘rsatkich orqali “Siti” yarim himoyachisi terma jamoa tarixidagi to‘purarlar ro‘yxatida 10-pog‘onaga ko‘tarilib oldi.
Ma’lumot o‘rnida, Belgiya termasi tarixidagi eng yaxshi to‘purar “Chelsi” hujumchisi Romelu Lukaku hisoblandi. Uning hisobida 68 ta gol bor.
Ma’ruf Abdumalikov
LiveBarchasi
07 noyabr 2023
07 noyabr 2023
07 noyabr 2023