Dam olish kunlari ayrim hududlarda yomg‘ir yog‘adi

O‘zgidromet 6-8 yanvar kunlari O‘zbekiston hududida kuzatilishi mumkin bo‘lgan ob-havo ma’lumotini e’lon qildi. 

Unga ko‘ra, Qoraqalpog‘iston Respublikasi va Xorazm viloyatida havo biroz bulutli bo‘ladi, 6-7 yanvarda ba’zi joylarda yomg‘ir yog‘adi, 8 yanvarda yog‘ingarchilik kutilmaydi. G‘arbiy shamol yo‘nalishini o‘zgartirib, sharqdan 7-12 m/s tezlikda esadi, 7 yanvarda ba’zi joylarda 15-20 m/s gacha kuchayishi mumkin. Harorat 6 yanvarda kechasi 2 daraja sovuq -3 daraja iliq, kunduzi 8-13 daraja iliq, 7 yanvarda kechasi 2 daraja sovuq -3 daraja iliq, kunduzi 2-7 daraja iliq, 8 yanvarda kechasi 0-5 daraja sovuq, kunduzi 5-10 daraja iliq bo‘ladi.

Buxoro va Navoiy viloyatlarida havo biroz bulutli bo‘ladi, yog‘ingarchilik kutilmaydi, faqat 7 yanvarda ba’zi joylarda yomg‘ir yog‘adi. Sharqiy shamol yo‘nalishini o‘zgartirib, g‘arbdan 7-12 m/s tezlikda esadi, 7 yanvarda ba’zi joylarda 15-20 m/s gacha kuchayishi mumkin. Harorat 6 yanvarda kechasi 0-5 daraja iliq, kunduzi 12-17 daraja iliq, 7 yanvarda kechasi 2-7 daraja iliq, kunduzi 5-10 daraja iliq, 8 yanvarda kechasi 0-5 daraja iliq, kunduzi 7-12 daraja iliq bo‘ladi.

Toshkent, Samarqand, Jizzax, hamda Sirdaryo viloyatlarida esa havo biroz bulutli bo‘ladi, 6 yanvarda yog‘ingarchilik kutilmaydi, 7-8 yanvarda ba’zi joylarda yomg‘ir yog‘adi. Sharqiy shamol yo‘nalishini o‘zgartirib, g‘arbdan 7-12 m/s tezlikda esadi, 7 yanvarda ba’zi joylarda 15-20 m/s gacha kuchayishi mumkin. Harorat 6 yanvarda kechasi 2-7 daraja iliq, kunduzi 12-17 daraja iliq, 7 yanvarda kechasi 2-7 daraja iliq, kunduzi 7-12 daraja iliq, 8 yanvarda kechasi 0-5 daraja, kunduzi 5-10 daraja iliq bo‘ladi.

Shuningdek, Qashqadaryo va Surxondaryo viloyatlarida havo biroz bulutli bo‘ladi, yog‘ingarchilik kutilmaydi, faqat 7 yanvarda ba’zi joylarda yomg‘ir yog‘adi. Sharqiy shamol yo‘nalishini o‘zgartirib, g‘arbdan 7-12 m/s tezlikda esadi, 7 yanvarda ba’zi joylarda 15-20 m/s gacha kuchayishi mumkin. Harorat 6 yanvarda kechasi 2-7 daraja iliq, kunduzi 14-19 daraja iliq, 7 yanvarda kechasi 3-8 daraja iliq, kunduzi 8-13 daraja iliq, 8 yanvarda kechasi 0-5 daraja iliq, kunduzi 8-13 daraja iliq bo‘ladi.

Andijon, Namangan va Farg‘ona viloyatlari havo biroz bulutli bo‘ladi, 6-7 yanvarda yog‘ingarchilik kutilmaydi, 8 yanvarda ba’zi joylarda yomg‘ir yog‘adi. Sharqiy shamol yo‘nalishini o‘zgartirib, g‘arbdan 5-10 m/s tezlikda esadi, 7 yanvarda ba’zi joylarda 15-20 m/s gacha kuchayishi mumkin. Harorat 6 yanvarda kechasi 2 daraja sovuq -3 daraja iliq, kunduzi 10-15 daraja iliq, 7 yanvarda kechasi 0-5 daraja iliq, kunduzi 7-12 daraja iliq, 8 yanvarda kechasi 0-5 daraja iliq, kunduzi 5-10 daraja iliq bo‘ladi.

Bundan tashqari, respublikaning tog‘li hududlarida havo biroz bulutli bo‘ladi, vaqti-vaqti bilan yog‘ingarchilik (yomg‘ir, qor), 7 yanvarda ba’zi joylarda kuchli bo‘ladi. Sharqiy shamol yo‘nalishini o‘zgartirib, g‘arbdan 7-12 m/s tezlikda esadi, 7 yanvarda ba’zi joylarda 13-18 m/s gacha kuchayishi mumkin. Harorat 6 yanvarda kechasi 1 daraja sovuq -4 daraja iliq, kunduzi 7-12 daraja iliq, 7 yanvarda kechasi 0-5 daraja iliq, kunduzi 3-8 daraja iliq, 8 yanvarda kechasi 0-5 daraja sovuq, kunduzi 0-5 daraja iliq bo‘ladi.