Chirchiq shahri hokimi Davron Hidoyatov ishdan ketyapti

Toshkent viloyatidagi Chirchiq shahri hokimi Davron Hidoyatov lavozimidan ketmoqchi. Bu haqda QALAMPIR.UZ manbasi xabar berdi. 

Ma’lum bo‘lishicha, Hidoyatov o‘z xohishi bilan ishdan ketish bo‘yicha ariza yozgan. U yangi ishga o‘tayotgani aytilmoqda. 

Manbaga ko‘ra, viloyat hokimi Zoyir Mirzayev hali ham Hidoyatovning arizasiga imzo qo‘ymagan. Chirchiq hokimi esa hozirda o‘z vazifasini bajaryapti va bozorlardagi narx-navoni o‘rganyapti.

Ma’lumot uchun, Davron Hidoyatov 1976 yilda Toshkentda tug‘ilgan. 1998 yilda Toshkent davlat iqtisodiyot universitetini, 2001 yilda Bank-moliya akademiyasini tamomlagan. 2017-2018 yillarda Chilonzor tumani hokimi, 2018-2021 yillarda Toshkent shahar hokimining birinchi o‘rinbosari, 2021 yilning yanvaridan noyabrigacha Toshkent viloyati hokimi lavozimida faoliyat ko‘rsatgan.

2021 yilning noyabr oyida viloyat hokimligidan olinib, Chirchiq shahri hokimi lavozimiga tayinlangan.