Bugun O‘zbekistonda yilning eng yaxshi sportchisi aniqlanadi

Bugun, 23 dekabr kuni Toshkent shahridagi Olimpiya va Paralimpiya shon shuhrati muzeyida o‘zbek sportida yilning eng yaxshilarini taqdirlash marosimi bo‘lib o‘tadi. 

“Milliy sport mukofoti-2024” tantanali taqdirlash marosimida O‘zbekistonning eng yaxshi sportchisi, murabbiyi va boshqa ko‘plab nominatsiyalarda g‘oliblar aniqlanadi.

QALAMPIR.UZ ma’lumotlariga ko‘ra, yilning eng yaxshi erkak sportchisi bo‘lish uchun Parij-2024 Olimpiadasida g‘olib bo‘lgan 7 nafar erkak sportchi da’vogarlik qilmoqda. Yilning eng yaxshi ayol sportchisi bo‘lishga esa Olimpiadada dzyudo bahslarida oltin medalni qo‘lga kiritgan Diyora Keldiyorova asosiy nomzod hisoblanadi.

Ma’lumot uchun, 2023 yilda O‘zbekistonda yilning eng yaxshi erkak sportchisi, deya bokschi Abdumalik Xalokov e’tirof etilgandi. Xalokov amaldagi g‘olib bo‘lgani uchun bu yil uning sovrinni qo‘lga kiritish imkoniyati nisbatan pastroq.