Bugun O‘zbekiston-Turkiya milliy terma jamoalarining tarixiy uchrashuvi guvohi bo‘lamiz

Bu o‘yin O‘zbekiston terma jamoasi uchun tarixiy hisoblanadi, деб xabar beradi O‘FA axborot xizmati.

Ushbu terma jamoalar shu paytga qadar bir-biri bilan to‘qnash келмаган. Bu o‘yin birinchisi bo‘ladi. 
 
Turkiya - O‘zbekiston uchrashuvi Alanya shahridagi "Alanya stadium" o‘yingohida Toshkent vaqti bilan soat 23:00da boshlanadi. 

Turkiya terma jamoasi bosh murabbiyi Shenol Gunesh O‘zbekistonga qarshi o‘yinga terma jamoaning bir qator yetakchi futbolchilarini ham chaqirgan. 

Bugun Turkiya terma jamoasi tarkibida jahonning yetakchi klublarida to‘p surayotgan futbolchilarning maydonga tushishi kutilyapti. Jumladan, Italiyaning "Milan" klubi yarim himoyachisi Ҳоқон Chalxanoglu, shuнингдек, Merih Demiral ("Sassuolo", Italiya), Chengiz Under ("Roma", Italiya), Yunus Malli ("Volfsburg", Германия), Jenk Tosun ("Everton", Angliya), Enes Unal ("Valyadolid", Ispaniya) kabi futbolchilar maydonga tushishlari mumkin.
 
Uchrashuvga bo‘lgan qiziqish nafaqat O‘zbekistonda, balki Turkiyada ham juda katta. O‘rtoqlik uchrashuvi turk telekanallaridan tashqari, Eurosport telekanalida ham jonli efirda namoyish qilinadi. 

O‘zbekistonlik muxlislar esa uchrashuvni O‘zbekiston milliy teleradiokompaniyasining "Sport TV" telekanali orqali jonli efirda tomosha қилишлари mumkin bo‘ladi.