Bugun Toshkentning 4 ta tumani aholisi gazsiz qoladi
Jamiyat
−
10 mart 2023
8789Bugun, 10 mart kuni soat 10:00 dan 17:00 ga qadar Yashnobod, Mirobod, Bektemir va Uchtepa tumanlarining ayrim joylarida tabiiy gaz ta’minoti vaqtinchalik to‘xtatiladi. Bu haqda “Hududgaz Poytaxt” gaz ta’minoti filiali Matbuot xizmati xabar berdi.
Qayd etilishicha, ushbu 4 ta tumandagi ayrim hududlarda tabiiy gaz ta’minoti vaqtinchalik to‘xtatilishiga gaz taqsimlash punktlaridagi ta’mirlash ishlari sabab qilib olingan.
Quyida ushbu 4 ta tumanning gaz ta’minot cheklanishi kutilayotgan ko‘cha va hududlari bilan tanishishingiz mumkin.
Yashnobod tumani:
2-Tolariq va Bunyodkor ko‘chalarida;
Farg‘ona va O‘zBUM ko‘chalaridagi 6 ta ko‘p qavatli uylardagi 160 ta xonadonda;
Farg‘ona yo‘li ko‘chasidagi 20 ta uy xo‘jaligida;
O‘zBUM ko‘chasi 4 ta ko‘p qavatli uylardagi jami 100 ta xonadonda;
“Assalom sohil” mavzesidagi 4 ta ko‘p qavatli uylardagi jami 620 ta xonadonda;
“Obod makon” mahallasidagi 21 ta ko‘p qavatli uylardagi 1 100 ta xonadonda;
“Yassaviy”, “Boysun”, “Ma’rifat”, “Shirinobod” mahallalari hududidagi 3 500 ta xonadonda.
Mirobod tumani:
“Fayziobod” va “Oq uy” mahallalaridagi jami 1 300 ta uy xo‘jaligida;
Fayziobod Yo‘l patrul xizmati binosi, Marhabo mehmonxonasi;
Maishiy xizmat ko‘rsatish 2 ta, Temir yo‘l omborxonasi, Bojxona omborxonasi;
“Qo‘yliq Ota”mahallasidagi jami 300 ta uy xo‘jaliklarida hamda 10 ta ulgurji iste’molchida.
Bektemir tumani:
“Nurafshon” mahallasidagi jami 70 ta uy xo‘jaligida.
Uchtepa tumani:
“Foziltepa” mahallasidagi jami 220 ta uy xo‘jaligida hamda hududdagi 18 ta ulgurji iste’molchilarida tabiiy gaz ta’minoti vaqtinchalik to‘xtatiladi.
LiveBarchasi
22 Oktabr