Бугун Тошкентнинг 4 та тумани аҳолиси газсиз қолади

Бугун, 10 март куни соат 10:00 дан 17:00 га қадар Яшнобод, Миробод, Бектемир ва Учтепа туманларининг айрим жойларида табиий газ таъминоти вақтинчалик тўхтатилади. Бу ҳақда “Ҳудудгаз Пойтахт” газ таъминоти филиали Матбуот хизмати хабар берди.

Қайд этилишича, ушбу 4 та тумандаги айрим ҳудудларда табиий газ таъминоти вақтинчалик тўхтатилишига газ тақсимлаш пунктларидаги таъмирлаш ишлари сабаб қилиб олинган.

Қуйида ушбу 4 та туманнинг газ таъминот чекланиши кутилаётган кўча ва ҳудудлари билан танишишингиз мумкин.

Яшнобод тумани:

2-Толариқ ва Бунёдкор кўчаларида;

Фарғона ва ЎзБУМ кўчаларидаги 6 та кўп қаватли уйлардаги 160 та хонадонда;

Фарғона йўли кўчасидаги 20 та уй хўжалигида;

ЎзБУМ кўчаси 4 та кўп қаватли уйлардаги жами 100 та хонадонда;

“Ассалом соҳил” мавзесидаги 4 та кўп қаватли уйлардаги жами 620 та хонадонда;

“Обод макон” маҳалласидаги 21 та кўп қаватли уйлардаги 1 100 та хонадонда;

“Яссавий”, “Бойсун”, “Маърифат”, “Ширинобод” маҳаллалари ҳудудидаги 3 500 та хонадонда.

Миробод тумани: 

“Файзиобод” ва “Оқ уй” маҳаллаларидаги жами 1 300 та уй хўжалигида;

Файзиобод Йўл патруль хизмати биноси, Марҳабо меҳмонхонаси;

Маиший хизмат кўрсатиш 2 та, Темир йўл омборхонаси, Божхона омборхонаси;

“Қўйлиқ Ота”маҳалласидаги жами 300 та уй хўжаликларида ҳамда 10 та улгуржи истеъмолчида.

Бектемир тумани: 

“Нурафшон” маҳалласидаги жами 70 та уй хўжалигида.

Учтепа тумани:

“Фозилтепа” маҳалласидаги жами 220 та уй хўжалигида ҳамда ҳудуддаги 18 та улгуржи истеъмолчиларида табиий газ таъминоти вақтинчалик тўхтатилади.