Bugun Toshkentning 4 mahallasi elektr tarmog‘idan uzib qo‘yiladi

Bugun, 21 iyun poytaxt Toshkentning qator tumanlaridagi MFYlarning ayrim hududlarida elektr ta’minoti vaqtincha to‘xtatiladi. Bu haqda “Hududiy elektr tarmoqlari” aksiyadorlik jamiyati Toshkent shahar filiali Matbuot xizmati xabar berdi.

Qayd etilishicha, bugun, 21 iyun kuni iste’molchilarga sifatli va barqaror elektr energiyasi yetkazib berilishini ta’minlash va elektr tarmoqlaridagi avariyaviy holatlarning oldini olish, kuz-qish mavsumiga puxta tayyorgarlik ko‘rish maqsadida quyidagi manzillarda elektr ta’minoti vaqtincha o‘chiriladi:

• Yunusobod tumani: "Kulol" MFYning ayrim ko‘chalarida soat 09:00 dan 15:00 gacha;
• Yakkasaroy tumani: "X. Sulaymon" MFYning ayrim ko‘chalarida soat 09:00 dan 15:00 gacha;
• Sergeli tumani: "Kengmakon" MFYning ayrim ko‘chalarida soat 09:00 dan 16:00 gacha;
• Mirobod tumani: "Fayzobod" MFYning ayrim ko‘chalarida soat 09:00 dan 16:00 gacha.

Shuningdek, xabarda yuqoridagi hududlarda ta’mirlash ishlari belgilangan vaqtdan avvalroq yakunlanishi mumkinligi ham ma’lum qilingan.