Bugun poytaxtning yetti mahallasi elektr energiyasidan uzib qo‘yiladi

Bugun, 26 iyun kuni Toshkent shahrining ayrim tumanlaridagi MFYlarning bir qator ko‘chalarida elektr ta’minoti vaqtincha to‘xtatiladi. Bu haqda “Hududiy elektr tarmoqlari” Aksiyadorlik jamiyati Toshkent shahar filiali Matbuot xizmati xabar berdi.

Unga ko‘ra, bugun, 26 iyun kuni iste’molchilarga sifatli va barqaror elektr energiyasi yetkazib berilishini ta’minlash va elektr tarmoqlaridagi avariyaviy holatlarning oldini olish, kuz-qish mavsumiga puxta tayyorgarlik ko‘rish maqsadida quyidagi manzillarda elektr ta’minoti vaqtincha o‘chiriladi:

• Yakkasaroy tumani: “Rakatboshi” va “Muhandislar” MFYlarining ayrim ko‘chalarida soat 09:00 dan 16:00 gacha;
• Chilonzor tumani: “Qozirobod” va “Katta Qozirobod” MFYlarining ayrim ko‘chalarida soat 09:00 dan 17:00 gacha;
• Sergeli tumani: “Eski Jaloyir” MFYning ayrim ko‘chalarida soat 10:00 dan 16:00 gacha;
• Mirobod tumanining: “Tong yulduzi” va “Fayzobod” MFYlarining ayrim ko‘chalarida soat 09:00 dan 17:00 gacha.

“O‘z navbatida yuqoridagi hududlarda ta’mirlash ishlari belgilangan vaqtdan avvalroq yakunlanishi mumkinligini bildirib o‘tamiz”, deyiladi xabarda.