Bugun ayrim hududlarda havo harorati 33 darajagacha ko‘tariladi

Bugun, 12 aprel kunduz kuni O‘zbekiston bo‘ylab yog‘ingarchilik kutilmaydi. Faqat Farg‘ona vodiysi viloyatlarining ba’zi joylarida yomg‘ir yog‘adi, momaqaldiroq bo‘lishi mumkin. Bu haqda Respublika Gidrometeorologiya markazi Matbuot xizmati xabar berdi.

O‘zbekistonda havo o‘zgarib turadi. Shamol 7-12 m/s tezlikda esadi, Qoraqalpog‘iston Respublikasida ba’zi joylarda 17-22 m/s gacha kuchayadi, ba’zida 25-28 m/s gacha kuchayishi mumkin, ayrim joylarda chang-to‘zon bilan kuzatiladi. Harorat 22-27 daraja iliq, shimolda, janubda va cho‘l hududlarda 30-33 darajagacha issiq bo‘ladi.

Poytaxt Toshkentda yog‘ingarchilik kutilmaydi. Shamol sharqdan 3-8 m/s tezlikda esadi. Harorat 24-26 daraja iliq bo‘ladi.

Respublikaning tog‘oldi va tog‘li hududlarida, Farg‘ona vodiysi viloyatlarining ba’zi joylarida qisqa muddatli yomg‘ir yog‘adi, momaqaldiroq bo‘ladi. Shamol 7-12 m/s tezlikda esadi, ba’zi joylarda 17-22 m/s gacha kuchayishi mumkin. Harorat 13-18 daraja iliq bo‘ladi.