Bugun AQSH va Markaziy Osiyo o‘rtasidagi “C5+1” uchrashuvi o‘tkaziladi

Jamiyat

image

Bugun, 23 aprel kuni videokonferensaloqa orqali Markaziy Osiyo va AQSH tashqi siyosat idoralari rahbarlarining “C5+1” shaklidagi navbatdagi uchrashuv bo‘lib o‘tadi. Bu haqda O‘zbekiston Tashqi ishlar vazirligi Matbuot xizmati xabar berdi.

Ma’lum qilinishicha, uchrashuvda Qirg‘iziston Respublikasi, Qozog‘iston Respublikasi, Tojikiston Respublikasi, Turkmaniston, O‘zbekiston Respublikasi tashqi ishlar vazirlari va AQSH Davlat kotibi ishtirok etadi.

Tashqi siyosat idoralari rahbarlari tomonidan mintaqaviy siyosat, Markaziy Osiyo davlatlari va AQSHning iqtisodiyot, mintaqada xavfsizlikni ta’minlash, iqlim o‘zgarishiga qarshi kurashish hamda Afg‘onistonda mustahkam tinchlikka erishishga ko‘maklashish yo‘nalishlaridagi hamkorlikni yanada rivojlantirishning dolzarb masalalari ko‘rib chiqiladi.

Ma’lumot uchun, bu AQSHning yangi ma’muriyati va Markaziy Osiyo o‘rtasidagi ilk rasmiy uchrashuv hisoblanadi.

Eslatib o‘tamiz, avvalroq AQSH Prezidenti Jo Bayden Shavkat Mirziyoyevni Navro‘z bilan tabriklab, “C5+1” muloqoti davom etishidan umidvorligini aytgandi.


Maqola muallifi

Teglar

Baholaganlar

149

Reyting

3

Maqolaga baho bering

Doʻstlaringiz bilan ulashing