Bu hafta havo qanday bo‘lishi aytildi

Joriy ish haftasining birinchi yarmida O‘zbekiston bo‘yicha havo harorati iqlimiy me’yorga yaqin bo‘lgan biroz issiq ob-havo saqlanib turadi. Kunduz kunlari havo 32-35 darajagacha isiydi. Bu haqda O‘zgidromet xabar berdi.

Haftaning ikkinchi yarmida kunduzgi havo harorati 2-3 darajaga ko‘tarilib, kunduzi 35-38 darajani, janubda 39-40 darajani tashkil etadi.

Harorat asosan kechalari 18-23 daraja bo‘ladi.

Joriy yilning 24-28 avgust kunlari havo biroz bulutli, ba’zi joylarda o‘zgaruvchan bo‘ladi, faqat Toshkent va Farg‘ona viloyatlarining ayrim tog‘li hududlarida bugun, 24 avgust kuni kunduzi qisqa muddatli yomg‘ir yog‘ishi, momaqaldiroq bo‘lishi mumkin.

Shamol 7-12 m/s tezlikda esadi, 24 avgustda ba’zi joylarda 13-18 m/s gacha kuchayadi, ayrim joylarida chang-to‘zonlar bilan kuzatiladi.

Toshkentda havo biroz bulutli, vaqti-vaqti bilan o‘zgaruvchan bo‘ladi, yog‘ingarchilik kutilmaydi.

Havo harorati bugun kunduzi 24-26 avgustda 32-35 daraja, 27-28 avgustda 35-37 daraja bo‘ladi. Harorat asosan kechalari 18-21 darajani tashkil etadi.

Shamol sharqdan 3-8 m/s tezlikda esadi, 24 avgustda 11-14 m/s gacha kuchayishi, shaharning ayrim joylarida chang-to‘zonlar bilan kuzatilishi mumkin.

Eslatib o‘tamiz, bugun, 24 avgust kuni O‘zbekistonning ayrim hududlarida, jumladan Toshkent shahrida kuchli shamol va ba’zi joylarda chang-to‘zonlar kuzatilishi mumkinligi haqida xabar berilgan edi.