Britni Spirs qariyb 12 million dollarlik uyini sotmoqchi

Amerikalik qo‘shiqchi Britni Spirs Kaliforniya shtatining Kalabasas shahridagi yangi uyini sotishga qaror qildi. U ko‘chmas mulkni sotib olganidan bir necha oy o‘tib sotuvga qo‘ydi. Bu haqda TMZ xabar berdi.

Spirs va uning eri Sem Asgari uyni 2022 yil iyun oyida 11,8 million dollarga sotib olgan. Ob’ekt ming kvadrat metrdan ortiq maydonni egallaydi. Sotishning aniq sababi noma’lum, biroq xonandaga yaqin manbalar Spirsga uy yoqmaganini ta’kidladi.

Qo‘shiqchi boshqa ko‘chmas mulk – Tauzand-Oks shahridagi uyga ham egalik qiladi. Britni uni 2015 yilda 7,5 million dollarga sotib olgan. Xonanda eski uyda qoladimi yoki yangi uy qidiradimi, hozircha noma’lum.

2022 yil sentyabr oyida Britni Spirs Florida shtatining Destin shahridagi kvartirasini ikki million dollarga sotgan edi. U uni 2001 yilda 920 000 dollarga sotib olgan.

Ma’lumot o‘rnida, Britni Spirs 1981 yil 2 dekabrda AQSHning Missisipi shtatida dunyoga kelgan. U pop-qo‘shiqchi sifatida 2000-yillarda katta mashhurlikka erishgan. Shuningdek, u aktrisa, raqqosa, qo‘shiq muallifi sifatida ham faoliyat yuritgan. Eng yaxshi raqs muallifligi uchun “Gremmi” mukofoti sovrindori bo‘lgan.

Sohiba Komilovna