Britaniya, Fransiya va AQSH Rossiyaning Ukrainaga ayblovini qoraladi

Buyuk Britaniya va Fransiya Tashqi ishlar vazirlari Jeyms Kleverli va Ketrin Kolonna hamda AQSH Davlat kotibi Entoni Blinken o‘z mamlakatlari Rossiyaning Ukraina o‘z tuprog‘ida “iflos bomba”ni qo‘llashga tayyorlanayotgani haqidagi da’volarini rad etishini aytdi.

“Mamlakatlarimiz Rossiyaning Ukraina o‘z tuprog‘ida “iflos bomba” ishlatishga tayyorlanayotgani haqidagi ochiq-oydin yolg‘on da’volarini barchamiz inkor etishimizni ochiq bildirdi. Butun dunyo bu ayblovni kuchayish uchun bahona sifatida tan oladi”, deyiladi Britaniya hukumati qo‘shma bayonotida.

Eslatib o‘tamiz, Shoygu kecha, 23 oktyabr kuni Buyuk Britaniya Mudofaa vaziri Ben Uolles, Fransiya Mudofaa vaziri Sebastyan Lekornu va Turkiya Mudofaa vaziri Hulusi Akar bilan telefon orqali muloqot qildi. Rossiyalik vazir o‘z hamkasblariga Ukraina tomoni “iflos bomba” qo‘llanishi mumkinligidan xavotir bildirdi. Bundan tashqari, Shoygu 21 va 23 oktyabr kunlari Pentagon rahbari Lloyd Ostin bilan telefonda gaplashgan.