Braziliyada marixuanaga to‘la yuk mashinasi ag‘darilib ketdi
Olam
−
28 iyun 2023 5982
Braziliyaning Juis-di-Fora munitsipalitetida bir tonna marixuana olib ketayotgan yuk mashinasi katta yo‘lda ag‘darilib ketdi. Bu haqda G1 portali xabar berdi.
Manbaga ko‘ra, kontrabanda yuklari ortilgan mashinaning 43 yoshli haydovchisi mazkur YTH sodir bo‘lgan hudud yaqinida harbiylar borligini payqagach, boshqaruvni yo‘qotgan. Oqibatda mashina ag‘darilib, ichidagi har biri 1 kilogramdan bo‘lgan 1235 o‘ram marixuana yo‘lga to‘kilgan.
Haydovchi yengil tan jarohatlari bilan kasalxonaga yotqizilgan, shundan so‘ng u giyohvand moddalar savdosi bilan shug‘ullangani uchun qo‘lga olingan.
Shuningdek, voqea sodir bo‘lgunga qadar ham yuk mashinasi shubhali ko‘ringani uchun mahalliy politsiya tomonidan kuzatib kelinayotgani ma’lum qilingan.
Live
Barchasi
