Bizdagi elektr uzilishlariga O‘zbekiston sababchi – Qozog‘iston va Qirg‘iziston

O‘zbekiston Energetika vazirligi mintaqaning yagona energiya tizimidagi elektr uzatish liniyalaridagi uzilishlar haqida xabar bergan edi. Qozog‘iston janubi va Qirg‘izistonning ayrim hududlarida ham elektr energiyasidan uzilishlar kuzatilgan. Ikkala mamlakat ham uzilishlarga sabab qilib, O‘zbekistonda yuzaga kelgan elektr ta’minoti muammolarini ko‘rsatgan.

Qozog‘iston Elektr tarmoqlari boshqarma kompaniyasining xabariga ko‘ra, joriy yilning 5 yanvar kuni soat taxminan 17:41 da Markaziy Osiyoning Birlashgan Energiya Tizimi (taxminan 800 MVt) quvvatining ko‘tarilishi oqibatida Qozog‘iston yagona elektr energiya tizimining Shimoliy-Janubiy tranziti parallel ishlashining barqarorligi buzilgan. Shu sababli, uskunaning shikastlanishiga yo‘l qo‘ymaslik uchun Qozog‘iston Shimoliy-Janubiy tranzitining 500 kV kuchlanishli uchta va bitta 220 kV havo liniyalari uzilib qolgan. Oqibatda, Qozog‘iston EESning Janubiy zonasi va Markaziy Osiyoning IESi chastotasi 48,31 Hz’ga kamaygan holda izolyatsiya qilingan.

Tezkor ma’lumotlarga ko‘ra, cheklovlar hajmi Olmaota, Jambil, Qizilo‘rda, Qarag‘anda va Turkiston viloyatlari 959 MVtni tashkil etgan.

“Uzilish manbai – Talimarjon IESda ikkita 450 MVt quvvatli umumiy siklli elektr stansiyalaridagi uzilishlar, shuningdek boshqa bir qator elektr stansiyalarda ishlab chiqarish hajmining pasayishi bo‘lgan O‘zbekiston energiya tizimi hisoblanadi”, deyiladi bayonotda.

Qirg‘iziston Milliy elektr tarmog‘ining xabariga ko‘ra, Qirg‘izistonning ayrim mintaqalarida elektr energiyasining uzilishi O‘zbekistonning energetika tizimidagi nosozlik tufayli yuz bergan.

“Markaziy Osiyoning yagona energiya tizimi Qozog‘iston shimolidagi yagona energiya tizimidan ajralib chiqdi. Avtomatik chastotani tushirish ishga tushirilguncha quvvat tizimidagi chastota kamaydi. Bunga O‘zbekiston energetika tizimining ortiqcha elektr energiyasi sabab bo‘lgan”, deyiladi bayonotda.

17:59 da elektr uzatish liniyasi-530 (Qozog‘iston energiya tizimida) tranzitga kiritilgan va chastotalarni tartibga solish Qirg‘iziston energiya tizimidan olib tashlangan.

18:15 da LEP-532, LEP-539 tranzitiga kiritilgan. ACRdan uzilgan iste’molchilarga elektr ta’minoti zudlik bilan tiklangan.