Bishkekda “Hizb ut-Tahrir" yetakchilari qo‘lga olindi

Bishkekda Qirg‘izistonda faoliyati taqiqlangan “Hizb ut-Tahrir al-Islomiy” diniy-ekstremistik tashkiloti yoshlar qanotining yashirin yacheykasi faoliyatiga chek qo‘yildi. Bu haqda Milliy xavfsizlik davlat qo‘mitasi matbuot xizmati xabar berdi. 

“Yacheyka a’zolari poytaxt oliy o‘quv yurtlari talabalari orasidan keyinchalik, kelajakda davlat tuzilmalariga kirib, ekstremistik mafkura dirijyoriga aylanishi mumkin bo‘lgan yangi tarafdorlarni jalb qilish va tayyorlash bilan shug‘ullangan. Ular konstitutsiyaga zid materiallarni o‘rganish bo‘yicha doimiy ravishda fitna mashg‘ulotlari o‘tkazgan, shuningdek, ekstremistik mazmundagi materiallarni elektron formatda, jumladan, internet orqali tarqatgan”, deyiladi xabarda. 

“Hizb ut-Tahrir” mansabdor shaxslarining yashash joylarini ko‘zdan kechirish chog‘ida eslatmalar, varaqalar, ko‘plab elektron materiallar, noutbuklar, planshetlar, smartfonlar va flesh-kartalar topilib, olib qo‘yilgan. Olingan materiallar va elektron tashuvchilar bo‘yicha kompleks ekspertiza tayinlangan. 

Guruhning yetti nafar a’zosi qo‘lga olingan. Uning yetakchisi, yoshlar qanoti yetakchilaridan biri Milliy xavfsizlik davlat qo‘mitasining tergov izolyatoriga joylashtirilgan.