Berlinda dunyodagi eng katta akvariumlardan biri yorilib ketdi (video)
Olam
−
16 dekabr 2022 15817
Bugun, 16 dekabr kuni Germaniya poytaxti Berlin markazida dunyodagi eng yirik akvariumlardan biri bo‘lgan AquaDom portladi. Bu haqda “Deutsche Welle” nashri xabar berdi.
Politsiya ma’lumotlariga ko‘ra, ikki kishi shrapneldan yaralangan va tibbiy muassasalarga yetkazilgan. Mehmonxona xodimlari va mehmonlar evakuatsiya qilingan.
Binoga yetkazilgan aniq zarar aniqlanmoqda. Favqulodda vaziyatlar xizmatining dastlabki hisob-kitoblariga ko‘ra, mehmonxonaning birinchi qavatiga zarar yetgan, yerto‘lalarga biroz suv tushgan. Taxminan 1 million litr suv to‘kilgan, unda 1,5 ming baliq yashagan.
Akvariumdan oqib chiqqan suvning umumiy massasi ming tonnani tashkil etgan. Akvariumda 1500 ga yaqin tropik baliqlar yashaydigan marjon rifi joylashgan edi.
Ma’lumot uchun, akvariumning balandligi 16 metr, diametri esa 11,5 metrni tashkil etgan.
Live
Barchasi