Bayden Navalniyni zudlik bilan ozod qilishga chaqirdi
Olam
−
05 fevral 2021
7200AQSH Prezidenti Jo Bayden Davlat departamentidagi nutqida Rossiya rasmiylarini Aleksey Navalniyni zudlik bilan ozod qilishga chaqirdi. Bu haqda RBK xabar bermoqda.
“Navalniyning siyosiy motivli xulosasi hamda Rossiyaning miting erkinligini bostirishga urinishlari bizni va butun dunyo jamoatchiligini chuqur tashvishga solmoqda. Navalniy korrupsiyani fosh qilishni maqsad qildi. Uni zudlik bilan va shartsiz ozod qilish kerak” deydi Bayden.
Baydenning ta’kidlashicha, mamlakat rasmiylari Rossiya uchun xarajatlarni oshirish va ularning hayotiy manfaatlarini himoya qilishdan tortinmaydi.
“Qo‘shma Shtatlar Rossiyaning tajovuzkor harakatlari, bizning saylovlarimizga aralashuvi, kiberhujumlar va o‘z fuqarolarini zaharlashi sharoitida yon berishga majbur bo‘lgan kunlar tugadi”, deydi u.
Avvalroq AQSH Davlat kotibi Entoni Blinken Navalniyni ozod qilish talabini qo‘ygan edi.
“Qo‘shma Shtatlar Rossiya Hukumatining muxolifat arbobi Aleksey Navalniyni shartli jazoni qamoq muddatiga almashtirish bilan ikki yil sakkiz oyga ozodlikdan mahrum qilish to‘g‘risidagi qaroridan chuqur xavotirda”, deyiladi Blinken bayonotida.
Davlat departamenti rahbarining ta’kidlashicha, Vashington muxolifatchining sudini uning huquqlarini buzish va siyosiy plyuralizmni bostirish deb biladi.
Eslatib o‘tamiz, joriy yilning 2 fevral kuni Moskva shahar sudi Federal jazoni ijro etish xizmatining iltimosiga binoan, Aleksey Navalniyni “Iv Roshe” ishi bo‘yicha 3,5 yillik shartli jazoni haqiqiy jazo bilan almashtirdi.
Aleksey Navalniy sud qaroriga ko‘ra, 3,5 yillik muddatning 2,5 yilini koloniyada o‘tkazadi.
LiveBarchasi
07 noyabr 2023
07 noyabr 2023
07 noyabr 2023