Bayden 1,9 trln dollarlik iqtisodiy qutqaruv paketini imzoladi

Olam 1396
image

AQSH Prezidenti Jo Bayden koronavirus pandemiyasi bilan zararlangan mamlakat iqtisodiyotini qo‘llab-quvvatlashga qaratilgan 1,9 trillion dollarlik chora-tadbirlar paketini ma’qulladi. Bu haqda RBK xabar bermoqda.

“Ushbu tarixiy qonunchilik tashabbusi Amerikaning asosini tiklashga qaratilgan”, deydi u.

Bir kun oldin, 10 mart kuni ushbu hujjat Amerika Kongressi Vakillar Palatasi tomonidan ma’qullangan. 220 kongressmen uni qabul qilish uchun ovoz berdi, 211 kishi qarshi chiqdi. 6 mart kuni Senat chora-tadbirlar paketini ma’qulladi; tashabbusni qo‘llab-quvvatlaganlar orasida birorta ham respublikachi yo‘q edi. Rejani ko‘rib chiqish paytida bir nechta o‘zgartirishlar kiritildi. Xususan, hujjatdan eng kam ish haqini soatiga 15 dollarga ko‘tarish to‘g‘risidagi band olib tashlandi.

Yakuniy hujjat qo‘llab-quvvatlashga muhtoj amerikaliklarga 1,4 ming dollar miqdorida to‘g‘ridan-to‘g‘ri to‘lovlarni taqdim etadi. Qonun shuningdek, 6 sentyabrga qadar ishsizlar uchun har hafta 300 AQSH dollari miqdorida to‘lovni uzaytiradi. Shtatlar, okruglar va mahalliy hokimiyatlarga yordam berish uchun 350 milliard dollar ajratiladi, shuningdek, mablag‘ maktab va korxonalarga yordam berish, bolalar uchun soliq imtiyozlarini kengaytirish, shuningdek koronavirusga qarshi kurash va emlash kampaniyasi uchun sarflanadi.

Umidjon Nozimjonov
Maqolaga baho bering
Baholaganlar: 38
Reyting: 3
t
×