“Barselona” yana bir urugvaylik hujumchini o‘z tarkibida ko‘rmoqchi
Sport
−
23 may 2019 2833
“Barselona” “Selta” hujumchisi Maksi Gomesga 25 million yevro taklif qildi.
22 yoshli Gomesni xarid qilish narxi - 50 million yevro, ammo “Selta” pastki ligaga tushib ketgan taqdirda bu narx ikki baravarga kamayishi mumkin edi. Ammo klub La Ligada jon saqlab qola oldi. “Selta” forvard uchun 40 million yevrodan kam olmoqchi emas.
Oldinroq Gomesga “Liverpul”, “Atletiko” va “Vest Xem” jamoalaridan qiziqish bo‘layotganligi xabar berilgan edi.
Eslatib o‘tamiz, Gomes ushbu mavsumda 35ta o‘yinda maydonga tushib, 13ta gol va 5ta assistni o‘z hisobiga yozdirib qo‘ya olgan.
