“Barselona” uchun noqulay hakam “El klasiko”ni boshqaradigan bo‘ldi

Futbol bo‘yicha Ispaniya chempionatining 11-turidan o‘rin o‘lgan “Real”-“Barselona” bahsini Xose Mariya Sanches Martines boshqarib boradi. Bu haqda “El Chiringuito” xabar berdi.

Manbaga ko‘ra, Martines shu vaqtga qadar “El klasiko”ga hakamlik qilgan. 2022/23 yilgi mavsumda u “Santyago Bernabeu”da “Real Madrid” va “Barselona” o‘rtasidagi o‘yinda hakamlik qilgan va bahs 3:1 hisobida mezbonlar foydasiga hal bo‘lgan. Bir mavsum avval u “Kamp Nou”dagi o‘yinni ham boshqardi va o‘sha uchrashuv ham “Real”ning g‘alabasi bilan yakunlandi.

Bundan tashqari, Xose Mariya Sanches Martines 2017/18 yilgi mavsumda Ispaniya Superkubogi bahsida “El klasiko” bosh hakami bo‘lgan. Superkubok bahsida madridliklar 2:0 hisobida g‘alaba qozongan.

Joriy mavsumda hakam hali “Real Madrid” ishtirokidagi bahsda ishlamadi, ammo “Barselona”ning La Liga 1-turida “Valensiya”ga qarshi o‘yinida ishladi va bu o‘yin kataloniyaliklarning 2:1 hisobidagi g‘alabasi bilan yakunlandi.

Ma’lumot uchun, “Real”-“Barselona” o‘yini 27 oktyabrga o‘tar kechasi Toshkent vaqti bilan soat 00:00 da boshlanadi. Bahs g‘olibi La Liga peshqadamiga aylanib oladi.