“Barselona” nihoyat yetakchi futbolchisini La Ligadan ro‘yxatdan o‘tkazdi
Sport
−
30 mart 2023 3748
Ispaniyaning “Barselona” klubi yarim himoyachi Gavini 30-raqam ostida rasman La Ligadan ro‘yxatdan o‘tkazdi. Bu haqda liga o‘z rasmiy saytida xabar berdi.
2022 yil sentyabrida futbolchi bilan yangi shartnoma imzolaganidan so‘ng u 6-raqam ostida to‘p tepayotgandi. Endilikda 18 yoshli futbolchi yana 30-raqamli futbolkada to‘p tepadi.
Avvaliga La Liga Gavining “Barselona” bilan yangi shartnoma imzolashiga qarshilik qilib keldi, chunki klubning bu kelishuvni amalga oshirish uchun moliyaviy imkoniyati yo‘q edi. Shundan so‘ng u bir muddat Kataloniya klubi asosiy tarkibidan chetda qoldi.
Gavi o‘tgan mavsumdan beri “Barselona”ning asosiy jamoasida o‘ynamoqda. Joriy mavsumda yarim himoyachi 37 o‘yinda 2 ta gol urdi va 5 ta golli uzatmani amalga oshirdi.
Live
Barchasi
