“Barselona” Neymarning agentlaridan taklif oldi

Neymarning agentlari uni sobiq jamoasi, “Barselona”ga taklif qildi. Bu haqda “Mundo Deportivo” nashri xabar berdi.

Ma’lum qilinishicha, PSJ klubi hujumchisining agentlari mijozini Kataloniya klubiga taklif qilgan, biroq “Barselona” arim sabablarga ko‘ra, bu taklifni rad etgan. Asosiy sabablardan biri klubdagi moliyaviy holatlar braziliyalik bilan shartnoma imzolashiga yo‘l qo‘ymasligi bo‘lsa, boshqasi Neymarning jamoadagi boshqa futbolchilar bilan bo‘lgan munosabati.

Futbolchining vakillari Lionel Messi “Barselona” bergan taklifni rad etib, AQSHning “Inter Mayami” klubiga o‘tib ketganidan so‘ng, uning “ko‘k-anorranglilar” safiga qo‘shilish imkoniyatini yuqori baholagan.

Kataloniya klubi rahbariyati murabbiylarga braziliyalik futbolchining transferini tashkil qilish imkoniyati haqida ma’lum qilgan, biroq, murabbiylar qat’iyan rad etgan. “Barselona” murabbiylari Neymarning darajasiga shubha qilmaydi, lekin hozirgi muhitni hisobga olgan holda, uni jamoaga olib kelish shartmas, deb hisoblaydi. 

Ma’lumot uchun, “Barselona” hozirda boshqa bir braziliyalik futbolchi Vitor Roke transferi ustida ishlamoqda.