“Barselona” Erling Xolandni xayratda qodirdi

“Barselona”ning “Real Madrid” ustidan qozongan 4-0 hisobidagi g‘alabasi “Borussiya Dortmund” hujumchisi Erling Xolandni hayratda qoldirdi. Bu haqda “Mundo Deportivo” nashri xabar berdi.

“Barselona” va “Real Madrid” o‘rtasidagi (4-0) uchrashuv norvegiyalik futbolchi “ko‘k anorranglilar” ustozi Xavi bilan uchrashganidan uch hafta o‘tib bo‘lib o‘tdi. Xoland bildiki, unga Xavining “Barselona” haqida aytgan gaplari ko‘pirtirilgan uydirma emas. Erling “El-klasiko”ni kuzatish orqali bunga amin bo‘ldi

Natijada, Erling Xoland “Manchester Siti”dan kelgan taklifni qabul qilishga shoshilmayapti. Sababi Xolandda yangi klub tanlash uchun kuchli ikkilanish paydo bo‘lgan. Bu haqda “Barselona” rahbariyati ham xabar topgan.

Biroq Kataloniya klubi Xolandning transferi juda murakkab jarayon ekanligini tushunib turibdi. Bu transfer Xoland va uning atrofidagilar moliyaviy talablarni pasaytirsagina amalga oshadi. Aks holda, Xolandni sotib olish uchun “Barselona”ning qurbi yetmaydi

Ma’lumot o‘rnida, Norvegiyalik futbolchi joriy mavsumda “Borussiya” safida 23 ta o‘yinda 23 ta gol urdi va 5 ta golli uzatmani amalga oshirdi. “Transfermarkt” portali Erling Xolandni 150 million yevroga baholamoqda.

Ma’ruf Abdumalikov