“Barselona”dagi fransuzlar soni yana bir nafarga ko‘payishi mumkin

Myunxengladbaxning “Borussiya” klubi hujumchisi Markus Tyuram “Barselona” safiga qo‘shilishi mumkin. Bu haqda jurnalist Nikolo Skira o‘z Twitter sahifasida xabar berdi.

“Ko‘k-anorranglilar” 25 yoshli futbolchini sotib olish uchun kurashga qo‘shilish niyatida. “Chelsi” ham Tyuramga da’vogarlardan biri. Ikkala jamoa ham futbolchini 2023 yilning yanvarida o‘z safida ko‘rishni istamoqda.

Ta’kidlanishicha, “Inter” ham fransiyalik futbolchi bilan kelishuv ustida ish olib bormoqda, biroq italyan klubi kelishuvni yozda yakunlamoqchi.

Markusning “Borussiya” bilan amaldagi shartnomasi 2023 yilning iyunida yakuniga yetadi.

Germaniya chempionatining joriy mavsumida Tyuram “Borussiya” safida 15 ta o‘yin o‘tkazib, 10 ta gol urdi va 3 ta golga assistentlik qildi. Shuningdek, u Fransiya terma jamoasi safida Jahon chempionatidagi beshta o‘yinda ikkita golli uzatmani amalga oshirdi.