“Barselona” 74 yillik rekordini yangiladi

Kataloniyaning “Barselona” klubi nemis mutaxassisi Xans-Diter Flik boshchiligida mavsumning dastlabki 16 o‘yinida barcha musobaqalarda gol urish bo‘yicha klub rekordini yangiladi. Bu haqda “Opta Sport” statistik portali xabar berdi.

Manbaga ko‘ra, “ko‘k-anorranglilar” hisobida ayni damda 55 ta gol bor, bu kataloniyaliklar tarixidagi eng yaxshi natija hisoblanadi. Dastlabki 16 uchrashuvda urilgan 54 ta gol rekordi 74 yil avval slovakiyalik murabbiy Ferdinand Dauchik (1950/1951 yilgi mavsum) qo‘l ostida o‘rnatilgan edi.

Ma’lumot uchun, “Barselona” Yevropa Chempionlar ligasi umumiy bosqichi 4-tur uchrashuvida Serbiyaning "Srvena Zvezda" jamoasini 5:2 hisobida mag‘lub etdi. Jamoa hozirda ortda qolgan 4 ta turdan keyin YeCHL umumiy jadvalida 9 ochko bilan 6-o‘rinni egallab turibdi. 

Qayd etish joiz, YeCHL umumiy jadvalida dastlabki 8 ta o‘rinni egallagan jamoalar to‘g‘ridan-to‘g‘ri musobaqaning chorak finaliga yo‘l olsa, 9-16 o‘rinni band etgan klublar nimchorak finalda o‘zaro to‘qnash keladi.