Avgustda ayrim aholi qatlamlariga 500 ming so‘m moddiy yordam ko‘rsatiladi

Jamiyat

image

2021 yilning avgust oyida aholining ayrim qatlamlariga 500 ming so‘m miqdorida bir martalik moddiy yordam ko‘rsatiladi. Bu haqda O‘zbekiston Prezidentining “Kam ta’minlangan va ijtimoiy himoyaga muhtoj oilalar farzandlarini qo‘llab-quvvatlashning qo‘shimcha chora-tadbirlari to‘g‘risida”gi qarori qabul qilindi.

Qarorga ko‘ra, quyidagilarga moddiy yordam ko‘rsatiladi:

  • boquvchisini yo‘qotganlik pensiyasi yoki nafaqasini oluvchi oilalarning 18 yoshga to‘lmagan farzandlariga;
  • nogironligi bo‘lgan 18 yoshga to‘lmagan bolalarga.

Qoraqalpog‘iston Respublikasi Vazirlar Kengashi Raisi, viloyatlar, Toshkent shahar, tuman (shahar) hokimlari, sektor rahbarlari hamda Mahalla va oilani qo‘llab-quvvatlash vazirligining hududiy bo‘linmalari rahbarlari – “Temir daftar”ga kiritilgan oilalarning 18 yoshgacha bo‘lgan farzandlari sonidan kelib chiqib, to‘lov vedomostlarini shakllantiradi hamda tuman (shahar) mahalla va oilani qo‘llab-quvvatlash bo‘limlari orqali ularga moddiy yordam pullarining joriy yil 25 avgustga qadar manzilli yetkazilishini ta’minlaydi.


Maqola muallifi

Teglar

Baholaganlar

193

Reyting

3

Maqolaga baho bering

Doʻstlaringiz bilan ulashing