“Atletiko” o‘z rekordini yangiladi

Ispaniya kubogining 1/8 finalida “Elche”ga qarshi o‘yinda g‘alaba qozongan (4:0) “Atletiko Madrid” ketma-ket g‘alabalar soni bo‘yicha o‘z rekordini yangiladi. Bu haqda “Opta Sport” xabar berdi.

Diyego Simeone shogirdlari barcha musobaqalarda 15 ta o‘yin o‘tkazib, Ispaniya chempionatida ketma-ket 8 ta, shuningdek, Ispaniya kubogida 4 ta va Yevropa Chempionlar ligasining umumiy bosqichida 3 ta g‘alaba qozondi. Bu davrda “matraschilar” 39 ta gol urib, 8 ta gol o‘tkazib yubordi.

“Atletiko”ning 13 o‘yindan iborat eng uzun g‘alabali seriyasi 2012 yilning avgustidan oktyabriga qadar sodir bo‘lgan, o‘shanda ham jamoani argentinalik murabbiy Diyego Simeone boshqargan.

“Atletiko” ayni damda La Liganing 19-turidan so‘ng 44 ochko bilan turnir jadvalida 1-o‘rinda bormoqda. Madridliklar navbatdagi o‘yinini Ispaniya chempionatining 20-turida 18 yanvar kuni “Leganes”ga qarshi o‘tkazadi.