Apple AirPower quvvatlantirgichini “ko‘mgani” ma’lum bo‘ldi 

Apple nihoyat AirPower simsiz quvvatlantirgichini ishlab chiqarish rejasidan voz kechdi. Bu haqda mashhur bloger va tarmoq insayderi Jon Prosser ma’lum qilgan. 

Blogerning manbalari Apple mahsulotlarini 2021 yilga mo‘ljallangan sinovlar jadvali bilan tanishgan. Ularning so‘zlariga ko‘ra, kompaniya barcha AirPower prototiplarini ro‘yxatdan chiqarib tashlagan va namunaviy sinovlarni bekor qilgan.

Prosserning manbalari endi Amerika korporatsiyasi bir vaqtning o‘zida bir nechta qurilmani simsiz quvvatlantiradigan aksessuar ishlab chiqarishiga shubha qilmoqda.

2019 yil mart oyining oxirida Apple o‘zining simsiz quvvatlantirgichi loyihasi yopilganini e’lon qilgan. Korporatsiya vakillari ushbu mahsulot kutilganidek natija bermaganini aytishgan. 

Ma’lumot uchun, AirPower quvvatlantirgichi birinchi marta 2017 yilning sentyabr oyida iPhone X taqdimotida omma e’tiboriga xavola etilgan.