APLning top klublari Husanov uchun kurashmoqda

Sport

−

03 dekabr visibility6696

Angliyaning “Tottenxem” va “Nyukasl” klublari “Lans” klubining o‘zbekistonlik himoyachisi Abduqodir Husanov transferi ustida bosh qotirmoqda. Bu haqda “The Telegraph” xabar berdi.

Manbaga ko‘ra, 20 yoshli futbolchi xizmatlariga Fransiyaning PSJ jamoasidan tashqari, Angliyaning 7 ta jamoasi befarq emas.

“Lans” joriy tranfser oynasida 25 million funt sterlingdan ko‘proq daromad olishi mumkin, chunki Husanov Uill Still jamoasida porlashda davom etar ekan, uning qiymati oshaveradi”, deyiladi manba xabarida.

Ma’lumot uchun, Husanov joriy mavsum klub safida 12 ta o‘yinda maydonga tushdi. Uning transfer narxi 5 million yevroni tashkil etadi.

Eslatib o‘tamiz, avvalroq O‘zbekistonda yilning eng yaxshi futbolchisi bo‘lishga da’vogarlik qilayotgani xabar qilingandi.

Maqola muallifi