Angliya termasi 19 yillik antirekordni takrorladi
Sport
−
27 Sentabr 2022
2981Kecha, 26 sentyabr kuni futbol bo‘yicha UEFA Millatlar ligasi (“A” liga) 6-tur uchrashuvlari doirasida Angliya o‘z maydonida Germaniya terma jamoasini qabul qildi va 3:3 hisobida durrang qayd etdi.
Uchrashuvning dastlabki bo‘limida hisob ochilmadi. Shuning uchun jamoalar ikkinchi bo‘limda borini berib harakat qildi.
52-daqiqada inglizlar darvozasiga belgilangan penaltini Ilkay Gyundogan bexato amalga oshirib, Germaniyani hisobda oldinga olib chiqdi. Xavers 67-daqiqaga kelib, hisobdagi farqni ikkitaga oshirdi. Shundan so‘ng, ustunlik “nemis mashinasi”ga o‘tib ketadigandek tuyulgandi. Biroq ingilizlar bunga osonlikcha rozi bo‘lmadi va Shou, Maunt va Keynning gollari evaziga hisobni 3:2 ko‘rinishiga keltirdi. Ammo futbol vatani vakillari g‘alabani saqlab qola olmadi. 87-daqiqada Kay Xavers dublni rasmiylashtirib, Germaniyani mag‘lubiyatdan qutqarib qoldi.
Angliya terma jamoasi ketma-ket 6 ta o‘yinda g‘alaba qozona olmadi. Ingilizlar hisobida 3 ta mag‘lubiyat va 3 ta durrang natija bor. Angliyada bunchalik omadsiz seriya 1993 yilda qayd etgan. O‘shanda ham angliyaliklar 6 ta o‘yindan iborat g‘alabasiz o‘yin namoyish qilgan.
Millatlar ligasining guruh bosqichi yakunlariga ko‘ra, umumiy hisobda 3 ochko jamg‘argan Angliya “B” ligaga tushib ketdi.
Ma’lumot uchun, UEFA Millatlar ligasining yarim finaliga Portugaliya, Xorvatiya, Italiya va Niderlandiya yo‘l oldi.
LiveBarchasi
07 noyabr 2023
07 noyabr 2023
07 noyabr 2023