Andreas Kristensenga kimlar da’vogarlik qilmoqda?
Sport
−
19 fevral 2022 2706
“Chelsi” himoyachisi Andreas Kristensen mavsum yakunlangach, klubni tark etishi mumkin. “Aristokratlar” uning xizmatlariga katta qiziqish bildirayotganiga qaramay, u londonliklar safidagi kelajagi haqida hali bir qarorga kelmagan, deb xabar beradi “Mundo Deportivo”.
Daniyalik futbolchiga "Bavariya" va "Barselona" qiziqish bildirmoqda, "Chelsi" ham unga yangi shartlarlar bilan shartnoma taklif qildi. Biroq futbolchi shartnoma shartlariga rozilik bildirganicha yo‘q.
"Barsa"ning Kristensenni qo‘lga kiritish umidiga ularning Erling Xolandga bo‘lgan qiziqishi to‘sqinlik qilishi mumkin, chunki Xolandning transferi va ish haqi byudjetning katta qismini olib qo‘yadi.
Ma’lumot o‘rnida, daniyalik futbolchi joriy mavsum APLda 13 ta bahsda maydonga tushgan. Uning bozor bahosi 35 million yevroligi aytilmoqda.
Ma’ruf Abdumalikov
Live
Barchasi