Andijonda harakatlanib ketayotgan Matiz yonib ketdi
3-sahifa
−
08:59910
Kecha, 12 yanvar kuni Andijon shahrida Matiz avtomobili yonib ketdi. Bu haqda Andijon viloyati IIB Yo‘l harakati xavfsizligi boshqarmasi xabar berdi.
O‘tkazilgan surishtiruv ishlariga ko‘ra, soat 17:02 larda 1985 yilda tug‘ilgan E.Z.ga tegishli Matiz rusumli avtotransport vositasi Andijon shahar Pirmuhammedov ko‘chasida harakatlanib ketayotgan vaqtida transport vositasining elektr qismidagi nosozlik sabab salon qismida yong‘in kelib chiqqan.
“Ushbu yong‘in shahar FVB xodimlari tomonidan o‘z vaqtida bartaraf etilgan. Yong‘in oqibatida tan jarohati olgan fuqarolar yo‘q, transport vositasi moddiy zararlangan”, deyiladi xabarda.
Eslatib o‘tamiz, avvalroq Toshkent viloyati Yangiyo‘l tumanida harakatlanayotgan Mazda yonib ketgandi.
Live
Barchasi
