Andijon viloyatiga yangi bosh soliqchi tayinlandi
Jamiyat
−
24 iyul 2020 9007
O‘zbekiston Prezidenti Farmoyishi bilan Tursunov Otabek Ravshanbek o‘g‘li Andijon viloyati davlat soliq boshqarmasi boshlig‘i etib tayinlandi.
Otabek Tursunov 1984 yilda Andijon viloyatida tug‘ilgan. 2007 yilda Andijon muhandislik-iqtisodiyot institutini iqtisodchi mutaxassisligi bo‘yicha tamomlagan.
Ushbu lavozimga tayinlangunga qadar Andijon viloyati DSB boshlig‘ining birinchi o‘rinbosari vazifasida ishlab kelayotgan edi.
Soliq xizmati organlaridagi mehnat faoliyatini 2006 yilda Andijon viloyati davlat soliq boshqarmasi fuqarolarni ro‘yxatga olish bo‘yicha navbatchisi lavozimidan boshlagan.
Soliq xizmatining II darajali maslahatchisi.
