Amerikalik sharhlovchi Argentina va Niderlandiya o‘yini vaqtida vafot etdi
Sport
−
10 dekabr 2022 15498
Kecha, 9 dekabr kuni Amerikalik futbol sharhlovchisi Grant Val Qatarda bo‘lib o‘tayotgan futbol bo‘yicha Jahon chempionati chorak finalidan o‘rin olgan Argentina va Niderlandiya o‘rtasidagi bahsni yoritayotganda vafot etgan. Bu haqda Amerika Milliy Jamoatchilik Radiosi (National Public Radio, NPR) muxbiri Rassel Lyuis Twitter'dagi sahifasida ma’lum qildi.
“NRP'ning uzoq yillik futbol sharhlovchisi Grant Valning o‘limini tasdiqlashi mumkin. U Dohada Argentina va Gollandiya o‘rtasidagi Jahon chempionati chorak final uchrashuvini yoritib borayotganda vafot etdi”, deb yozgan Lyuis.
Marhumning akasi ukasining sog‘ligi yaxshi bo‘lganini aytgan. Uning fikricha, ukasining o‘limiga tashqaridan nimadir sababchi bo‘lgan.
AQSH futbol federatsiyasi allaqachon hamdardlik bildirgan.
Ma’lumot uchun, Argentina va Niderlandiya o‘rtasidagi uchrashuvning asosiy vaqti 2:2 hisobida yakunlangan. Penaltilar seriyasida janubiy amerikaliklar 4:3 hisobida g‘alaba qozondi.
Bugun, 10 dekabr kuni mundialning chorak final bahslari davom ettiriladi. Portugaliya Marokash bilan kuch sinashsa, Fransiya Angliya bilan bahslashadi.
Live
Barchasi