Alisher Usmonov jamoasi Ukraina ayblovini rad etdi

Rossiyalik oligarx Alisher Usmonov asos solgan “Metalloinvest” kompaniyasi Ukraina xavfsizlik xizmatining kompaniyani “Ukraina temir rudasi”ni Rossiyaning Ukraina dengiz portlaridagi yashirin omborlarida saqlashda va uni Rossiya Federatsiyasi hududiga eksport qilish niyatidalikda ayblagan bayonotini rad etdi. Rasmiy bayonot kompaniya saytida e’lon qilingan.

“Ushbu ma’lumotlar haqiqatga to‘g‘ri kelmaydi. Bu bema’nilik, ular kompaniya hamkorlari va ommaviy axborot vositalari vakillarini qasddan chalg‘itmoqda”, deya izoh berdi matbuot xizmati.

Shuningdek, kompaniya haqiqatan ham Ukraina hukumati “Metalloinvest” korxonalari tomonidan Rossiyada ishlab chiqarilgan temir rudasi xomashyosini chet ellik hamkorlar uchun olib qo‘yganini ta’kidladi.

“Metalloinvest” vakillari 2022 yilning fevral oyida Kiyev “mavjud shartnomalar bo‘yicha Ukraina hududi orqali tranzitda bo‘lgan ushbu tovarlarni, xususan, yevropalik iste’molchilarga eksport jo‘natishini to‘sib qo‘yganini” ta’kidladi. Ularning so‘zlariga ko‘ra, gap Ukraina rasmiylari tomonidan “xorijiy xaridorlar uchun mo‘ljallangan eski tijorat yuklari”ning noqonuniy olib qo‘yilgani haqida bormoqda.

Kompaniya, shuningdek, Kiyev temir rudasi xomashyosini hibsga olingani haqida rasman endi xabar berganiga e’tibor qaratdi, ayni paytda yuk qayerda ekanligi deyarli bir yildan beri ma’lum bo‘lgan. Ushbu holat uyushtirilgan “harakat”ning PR vazifalari bilan bog‘liq ekani ta’kidlangan.

Avvalroq Ukraina xavfsizlik xizmati Ukrainaning bir necha portlari hududida Rossiyaning yer osti omborlari topilgani, ularda 160 ming tonnadan ortiq Ukraina temir rudasi saqlanganligi haqida xabar bergan edi. Topilgan rudaning qiymati ikki milliard grivnaga baholandi, bu taxminan 54,35 million dollarga teng.

Sohiba Komilovna