Aktyor Baxtiyor Ixtiyorov vafot etdi
Madaniyat-san’at
−
21 noyabr 2021 47395
O‘zbek kinosining chinakam afsonasi, betakror rollari orqali o‘zbek xalqi qalbidan chuqur joy egallagan aktyor, O‘zbekiston xalq artisti, “Mehnat shuhrati”, “El-yurt hurmati” ordenlari hamda “Mehnat faxriysi” ko‘krak nishoni sohibi Baxtiyor Ixtiyorov 81 yoshida vafot etdi.
Baxtiyor Ixtiyorov sermaxsul ijodi davomida "Yor-yor", "Ajoyib hayolparast", "O‘tgan kunlar", "Nodirabegim", "Yettinchi jin", "Abu Rayhon Beruniy", "Yettinchi o‘q", "Shum bola" kabi juda ko‘plab filmlarda ajoyib rollarni ijro etishi bilan bir qatorda o‘zbek teatr san’ati rivojiga ham munosib hissa qo‘shgan.
Marhum 1956 yildan to 2009 yilga qadar turli yillarda Buxoro musiqali teatri, Muqimiy nomidagi musiqali teatri, “Yosh gvardiya” teatri hamda Satira teatri sahnalarida yuzdan ortiq esda qolarli obrazlarni gavdalantirdi, rejissyor sifatida xalqqa manzur spektakllar sahnalashtirdi va ko‘plab shogirdlar yetishtirdi.
QALAMPIR.UZ tahririyati marhumning oila a’zolari, yaqinlari va butun ijod ahliga chuqur hamdardlik birdiradi.
Live
Barchasi