AQSHda harbiy vertolyot halokatga uchradi (video)

Tennessi shtatining Milliy gvardiyasiga tegishli UH-60 Black Hawk harbiy vertolyoti Alabama shtatining Xantsvill shahri yaqinida halokatga uchradi. Bu haqda mahalliy va rasmiy guvohlarga tayanib, “BNO News” kanali xabar berdi. 

Ma’lumotlarga ko‘ra, voqea 15 fevral kuni mahalliy vaqt bilan 15:00 atrofida Xanstvill shahrida sodir bo‘lgan. Vertolyot mahalliy trassaga qulagan, bu yerda yashovchi hech kim jabrlanmagan. Halokatdan keyin yong‘in boshlangan va zudlik bilan bartaraf etilgan.

Xabarlar qilinishicha, ikkala ekipaj a’zosi ham halok bo‘lgan. Shuningdek, vertolyotda qancha odam bo‘lgani noma’lum ekanligi va omon qolganlar yo‘qligi aytilmoqda.

Hududdagi uylardan biridagi xavfsizlik kamerasida halokat tasvirlari ko‘ringan bo‘lib, unda vertolyotning to‘g‘ridan-to‘g‘ri yerga qulagani aks etgan. Shtatning federal idoralari voqea sabablarini o‘rganmoqda.

Umida Muxtorbekova