АҚШда ҳарбий вертолёт ҳалокатга учради (видео)
Олам
−
16 Февраль 2023 6784
Теннесси штатининг Миллий гвардиясига тегишли UH-60 Black Hawk ҳарбий вертолёти Алабама штатининг Хантсвилл шаҳри яқинида ҳалокатга учради. Бу ҳақда маҳаллий ва расмий гувоҳларга таяниб, “BNO News” канали хабар берди.
Маълумотларга кўра, воқеа 15 февраль куни маҳаллий вақт билан 15:00 атрофида Ханствилл шаҳрида содир бўлган. Вертолёт маҳаллий трассага қулаган, бу ерда яшовчи ҳеч ким жабрланмаган. Ҳалокатдан кейин ёнғин бошланган ва зудлик билан бартараф этилган.
Хабарлар қилинишича, иккала экипаж аъзоси ҳам ҳалок бўлган. Шунингдек, вертолётда қанча одам бўлгани номаълум эканлиги ва омон қолганлар йўқлиги айтилмоқда.
Ҳудуддаги уйлардан биридаги хавфсизлик камерасида ҳалокат тасвирлари кўринган бўлиб, унда вертолётнинг тўғридан-тўғри ерга қулагани акс этган. Штатнинг федерал идоралари воқеа сабабларини ўрганмоқда.
Умида Мухторбекова
Live
Барчаси