AQSH Yevropada Ukrainaga kirishga tayyor havo-desant bo‘linmasini joylashtirdi – OAV

Qo‘shma Shtatlar Yevropaga 101-havo-desant diviziyasini harbiy mashg‘ulotlarda qatnashish uchun joylashtirdi. U uning qo‘mondoni Oq uy Amerika qo‘shinlari Ukrainadagi harbiy harakatlarda qatnashmasligini kafolatlashini aytganiga qaramay, ushbu mamlakatga kirishga tayyorligini ma’lum qildi, deb xabar bermoqda CBS News.

Qayd etilishicha, AQSH armiyasining 101-havo-desant diviziyasi Rossiya va Amerika boshchiligidagi NATO harbiy alyansi o‘rtasida keskinlik kuchaygan bir paytda qariyb 80 yil ichida ilk bor Yevropaga joylashtirildi.

“Qichqirayotgan burgutlar” qo‘mondoni CBS News telekanaliga bir necha bor ular jang qilishga tayyor ekanliklarini va NATO hududini himoya qilish uchun kelgan bo‘lsalar ham, agar harbiy to‘qgashuv kuchaygan bo‘lsa yoki NATOga hujum qilinsa, ular chegarani kesib o‘tish va Ukraina hududiga kirishga to‘liq tayyor ekanliklarini aytishdi”, deyiladi xabarda.

Telekanal ma’lumotlariga ko‘ra, “Qichqirayotgan burgutlar” 101-havo-desant diviziyasi Ruminiya hududida joylashgan umumiy soni 4,7 ming askardan iborat yengil piyodalar guruhidir.

AQSH rasmiylari amerikalik harbiy xizmatchilar Ukraina hududidagi jangovar harakatlarda qatnashmasligini bir necha bor ta’kidlagan. Avvalroq AQSHning NATOdagi elchisi Julian Smit NATO Ukrainadagi mojaroda bevosita ishtirok etmasligi va pozitsiya o‘zgarishsiz qolayotganini tasdiqlagan edi.