AQSH Stryker zirhli mashinalarini Kiyevga berishni muhokama qilmoqda

AQSH Mudofaa vazirligi Stryker zirhli jangovar mashinalarini Ukrainaga berishni ko‘rib chiqmoqda. Bu haqda “Politico” gazetasi Pentagondagi manbalariga tayanib xabar berdi.

Nashrning yozishicha, Vashington bu zirhli mashinalar Kiyevga Rossiyaning bahorda kutilayotgan hujumini qaytarishga yordam berishi mumkin, deb hisoblaydi.

Yangi qurollar Kiyevga kelasi hafta oxirida taqdim etilishi rejalashtirilgan hajmi 2,85 milliard dollarga teng yangi harbiy yordam paketining bir qismi bo‘lishi mumkin.

Ammo yetkazib berish bo‘yicha yakuniy qaror qabul qilinmagan. Agar ushbu qurollar keyingi yordam paketiga kiritilmagan bo‘lsa, ma’muriyat keyinchalik ularni kelajakdagi paketlarga kiritishga qaror qilishi mumkin.

Avvalroq, AQSH ma’muriyati Ukrainaga Bradley piyodalarning jangovar mashinalarini yetkazib berish imkoniyatini ko‘rib chiqmoqdaligi haqida xabar berilgandi.

Ma’lumot uchun, Stryker Amerikaning General Dynamics Land Systems kompaniyasi tomonidan ishlab chiqarilgan g‘ildirakli 8*8/4 zirhli jangovar mashinalar oilasi hisoblanadi. Stryker zirhli jangovar mashinalari o‘limidan so‘ng AQSHning eng oliy harbiy mukofoti – “Shon-sharaf” medali bilan taqdirlangan ikki amerikalik harbiy xizmatchi sharafiga nomlangan.