AQSH provokatsiyalarining davom etishi urush e’lon qilish deb baholanadi – Shimoliy Koreya

Shimoliy Koreyaning noroziligiga e’tibor bermaslik va AQSH tomonidan unga qarshi provokatsion harakatlar davom ettirilishini urush e’lon qilish deb baholash mumkin. Ushbu fikrni Shimoliy Koreya Tashqi ishlar vazirligining AQSH bilan munosabatlarni nazorat qiluvchi departamenti direktori Kvon Chjon Gin Koreya markaziy axborot agentligiga bergan intervyusida bildirdi.

“Qo‘shma Shtatlar bir necha bor e’tiroz va ogohlantirishlarimizni e’tiborsiz qoldirib, provokatsion harakatlarni davom ettirmoqda. AQSH o‘zining bu dushmanlik harakatini davlatimizga qarshi urush e’lon qilish deb baholanishi mumkinligini tushunishi kerak”, degan u.

Shuningdek, departament rahbari Koreya yarim orolida keskinlik kuchayishiga yo‘l qo‘ymaslik uchun Qo‘shma Shtatlar strategik aktivlarni joylashtirishdan va Janubiy Koreya bilan KXDRga qarshi qaratilgan harbiy mashg‘ulotlardan voz kechishi kerakligini aytgan.

Eslatib o‘tamiz, oldinroq Shimoliy Koreya tomonidan Yapon dengizi tarafga ballistik raketa uchirilgandan so‘ng AQSH Yaponiya bilan birga mintaqada qo‘shma harbiy mashg‘ulotlar o‘tkazgan edi.

Alibek Beyjanov