“AQSH go‘zali-2019” tanlovi g‘olibasi o‘lik holda topildi
Olam
−
31 yanvar 2022 50503
“AQSH go‘zali-2019” tanlovi g‘olibasi Chesli Krist Nyu-York shahrida o‘lik holda topildi. Bu haqda “The New York Post” politsiyadagi manbalarga tayanib xabar bergan.
30 yoshli tanlov g‘olibasining jasadi kecha, 30 yanvar kuni ertalab 60 qavatli osmono‘par bino yonidan topilgan. Krist binoning to‘qqizinchi qavatida yashagan, lekin oxirgi marta uni 29-qavatda ko‘rishgan.
Nashrning yozishicha, Krist o‘limidan oldin hammasini onasiga qoldirishni istayotganini bildiruvchi yozuv qoldirgan.
“Sevimli Cheslimizning olamdan o‘tgani haqida xabar berishdan chuqur qayg‘udamiz. U butun dunyo bo‘ylab o‘zining go‘zalligi va kuchi bilan boshqalarga ato etgan yorqin nurni tarqatdi. U g‘amxo‘rlik qildi, sevdi, kuldi va nur taratdi”, deyilgan Krist oilasi bayonotida.
Qayd etilishicha, o‘limidan biroz oldin Krist Instagram’da post e’lon qilgan, u yerda o‘zining suratini joylashtirib: “Bu kun sizga tinchlik olib kelsin”, deb yozib qoldirgan.
Live
Barchasi