AQSH defolt xavfi ostida qolishi mumkin

AQSH Prezidenti Jo Bayden Kongressning vakillar palatasi spikeri Kevin MakKartini davlat qarzi bo‘yicha defoltning oldini olishga chaqirdi. Bu haqda “Amerika Ovozi” xabar berdi.

"Amerika qarzdor davlat emas. Biz hech qachon va hech qachon qarzni to‘lamagan emasmiz", dedi Bayden dushanba kuni Oq uyda so‘zlagan nutqida.

U davlat qarzini to‘lamaslik kredit karta va ipoteka stavkalarining haddan tashqari o‘sishiga olib kelishi haqida ogohlantirgan.

"Biz qila oladigan eng dolzarb narsa – iqtisodiyotimiz va moliyaviy tizimimizning uzoq muddatli barqarorligini ta’minlash. Bu borada qilishimiz kerak bo‘lgan eng muhim narsa – Vakillar palatasi spikeri davlat qarzini to‘lashda defolt bilan tahdid qilishni bas qilishidir", degan AQSH Prezidenti.

O‘tgan hafta Kongressning Vakillar palatasida respublikachilar joriy 31,4 trillion dollarlik davlat qarzi chegarasini qo‘shimcha 1,5 trillion dollarga oshiradigan qonun loyihasini qabul qildi. Qonun loyihasi, shuningdek, kelgusi o‘n yil ichida katta xarajatlarni qisqartirishni o‘z ichiga oladi. Biroq demokratlar nazoratidagi Senat va Jo Bayden milliy qarz limitini oshirishni ma’qullamasliklarini aytmoqda.

Manbaga ko‘ra, Kongress milliy qarz limitini oshirishni ma’qullamasa, AQSH Moliya vazirligi bir necha hafta ichida to‘lovlarni to‘lashi uchun mablag‘ yetishmay qolishi mumkin. AQSH Moliya vaziri Janet Yellenning so‘zlariga ko‘ra, agar Kongress chora ko‘rmasa, uning departamenti hukumatning to‘lov majburiyatlarini “iyun oyi boshida va ehtimol, 1 iyungacha” bajara olmaydi.

Bunday holda, Vashington AQSHning 250 yillik faoliyati davomida birinchi marta defolt xavfi ostida qoladi.