Afg‘onistonda portlash. Qurbonlar bor

Olam

−

26 dekabr 2022 visibility7495 timer1 daqiqa

Bugun, 26 dekabr kuni Afg‘oniston shimoli-sharqida joylashgan Badaxshon viloyatida xavfsizlik kuchlari shtab-kvartirasi yaqinida portlash sodir bo‘ldi. Bu haqda “TOLOnews” telekanali xabar berdi.

“Portlovchi moddani afg‘on xalqi dushmanlari mashina ichiga o‘rnatgan, portlash Badaxshon politsiyasi bosh boshqarmasi binosi yaqinida sodir bo‘lgan”, deydi “Tolibon” radikal harakati tomonidan tuzilgan muvaqqat hukumat Ichki ishlar vazirligi vakili Abdul Nafi Tahor ma’lum qildi

Ushbu hodisa oqibatida uch kishi, jumladan, Badaxshon viloyati xavfsizlik xizmati rahbari halok bo‘lgan. Ikki kishi yaralangan.

Telekanal manbalariga ko‘ra, halok bo‘lgan xavfsizlik xodimining shaxsiy avtomobiliga portlovchi moslama o‘rnatilgan.

Tahor, shuningdek, politsiya voqeani uyushtirganlikda gumon qilingan to‘rt kishini allaqachon hibsga olganini ma’lum qildi.

Maqola muallifi