Afg‘onistonda kuchli yomg‘ir va suv toshqinlari oqibatida 50 kishi halok bo‘ldi

Afg‘onistonning markaziy qismida kuchli yomg‘ir va suv toshqini oqibatida kamida 50 kishi halok bo‘ldi. Bu haqda bugun, 18 may kuni G‘or viloyati axborot bo‘limi rahbari Mavlaviy Abdulhay Zaimga tayanib, “Reuters” nashri xabar berdi.

Qayd etilishicha, kuzatilgan kuchli yomg‘ir va suv toshqinlari oqibatida viloyat markazi Feroz-Kohda 2000 ta uy butunlay vayron bo‘lgan, 4000 tasi qisman shikastlangan, 2000 dan ortiq do‘kon suv ostida qolgan. Shuningdek, “Tolibon” harbiy-havo kuchlari vertolyoti halokatga uchragan.

Ma’lumot uchun, Afg‘oniston tabiiy ofatlarga moyil va Birlashgan Millatlar Tashkiloti uni iqlim o‘zgarishiga qarshi kurashishda eng zaif davlatlardan biri deb biladi. 2021 yilda xorijiy kuchlar mamlakatni tark etgani sababli “Tolibon” hokimiyatni egallab olganidan keyin u yordam tanqisligi bilan kurashdi, chunki hukumat moliyasining asosini tashkil etuvchi rivojlanish yordami qisqartirildi.

Xorijiy hukumatlar global inqirozlar bilan kurashayotgani va “Tolibon”ning afg‘on ayollariga nisbatan cheklovini qoralash kuchayib borayotgani sababli, tanqislik keyingi yillarda yomonlashdi.

Eslatib o‘tamiz, o‘tgan haftada Afg‘onistonning Bag‘lon viloyatida sodir bo‘lgan suv toshqini 300 dan ortiq odamning hayotiga zomin bo‘lgandi.