70 yil “temir o‘pka”da yashagan advokat vafot etdi

Falajlik tufayli 70 yildan ortiq “temir o‘pka” qurilmasida yashagan advokat Pol Aleksandr 78 yoshida vafot etdi. Bu haqda “The Independent” gazetasi xabar berdi. 

GoFundMe xayriya platformasiga ko‘ra, u shu yilning 11 mart kuni koronavirus tufayli yotqizilgan shifoxonada vafot etgan.

Pol Aleksandr 1952 yilda olti yoshida poliomiyelit (orqa miya falaji) bilan kasallangan. U traxeostomiyani boshdan kechirgan va keyin “temir o‘pka”ga joylashtirilgan. Bu o‘pka ichiga va tashqarisiga havo chiqarish uchun bosimning oshishi va pasayishi o‘rtasida almashinadigan muhrlangan kamera.

Pol Aleksandr qurilmasiz bir necha soat ishlay olardi, xolos. U 1978 yilda Texas universiteti huquq fakultetini tamomlagan, huquqshunoslik doktori darajasini olgan, keyin esa advokat bo‘lib ishlagan.

So‘nggi yillarda Pol Aleksandr apparatsiz nafas ololmay qoldi. 2020 yilda u “temir o‘pka” yordamida eng uzoq umr ko‘rgan shaxs sifatida Ginnesning rekordlar kitobiga kiritilgan. Shu bilan birga, u o‘zining "It uchun uch daqiqa" avtobiografiyasini nashr etdi. Bu kitob “temir o‘pka”da yashovchi odam haqida hikoya qiladi.